Mae’r cyrsiau hyfforddi yn canolbwyntio ar yr egwyddorion a’r gwerthoedd sy’n sail i Cefnogi Cynnar, gan helpu’r rhai sy’n cymryd rhan yn y cyrsiau ddeall y gwahaniaeth y mae Cefnogi Cynnar yn gallu’i wneud a bwrw golwg ar sut i ddefnyddio’r deunyddiau Cefnogi Cynnar yn effeithiol. Nid yw’r un o’r cyrsiau hyn yn cael eu hasesu. Cliciwch ar enw’r cwrs isod i lawrlwytho disgrifiad llawn o’r cwrs. Dyma’r chwe chwrs hyfforddi:-

  1. Gweithio mewn Partneriaeth drwy Cefnogi Cynnar: gwella gweithio mewn partneriaeth sydd wrth wraidd y cwrs hyfforddi deuddydd hwn. Ei nod yw gwella gwasanaethau i blant a’u teuluoedd. Bydd yn helpu ymarferwyr i gyflwyno gwasanaethau di-dor, yn unol ag egwyddorion Cefnogi Cynnar. Gall helpu rhieni a gofalwyr ac aelodau eraill y teulu i weithio’n fwy effeithiol gyda’r ymarferwyr sy’n eu cefnogi nhw a’u teulu.
  2. Defnyddio'r Offeryn Cynllunio a Gwella Amlasiantaeth (MAPIT): mae’r cwrs hyfforddi undydd hwn ar gyfer y bobl hynny sy’n dymuno defnyddio Offeryn Cynllunio a Gwella Amlasiantaeth (MAPIT) Cefnogi Cynnar i’w helpu nhw i werthuso, cynllunio a gwella’r gwaith o gyflwyno gwasanaethau gan asiantaethau lluosog. Mae’n helpu’r bobl sy’n cymryd rhan yn y cwrs ddeall sut i ddefnyddio’r offeryn ac mae’n bwrw golwg ar fanteision ei ddefnyddio i helpu i gynllunio gwaith cyflwyno gwasanaethau mewn ffordd sy’n canolbwyntio’n fwy ar y teulu. Os hoffech lawrlwytho’r Offeryn Cynllunio a Gwella Amlasiantaeth, cliciwch yma. Os hoffech chi gael gwybod mwy am MAPIT, cliciwch yma.
  3. Defnyddio’r Cyfnodolyn Datblygiadol: mae’r gweithdy hyfforddi undydd hwn yn cynnig cyfle i drafod y ffordd fwyaf effeithiol o ddefnyddio’r deunyddiau datblygiadol mewn partneriaeth â theuluoedd. Mae’n helpu’r bobl sy’n cymryd rhan yn y gweithdy ddeall sut gallan nhw ddathlu cynnydd babanod a phlant a chefnogi ymyrraeth gynnar ar eu cyfer, ar draws pob maes datblygu.
  4. Defnyddio’r Protocol Monitro ar gyfer babanod a phlant byddar: mae gan y gweithdy hyfforddi undydd hwn yr un nodau â’r gweithdy ar y Cyfnodolyn Datblygiadol, ond mae’n canolbwyntio ar ddefnyddio’r Protocol Monitro ar gyfer babanod a phlant byddar.
  5. Defnyddio’r Cyfnodolyn Datblygiadol ar gyfer babanod a phlant â syndrom Down: mae gan y gweithdy hyfforddi undydd hwn yr un nodau â’r gweithdy ar y Cyfnodolyn Datblygiadol, ond mae’n canolbwyntio ar ddefnyddio’r Cyfnodolyn Datblygiadol ar gyfer babanod a phlant â syndrom Down.
  6. Defnyddio’r Cyfnodolyn Datblygiadol ar gyfer babanod a phlant â nam ar eu golwg: mae gan y gweithdy hyfforddi undydd hwn yr un nodau â’r gweithdy ar y Cyfnodolyn Datblygiadol, ond mae’n canolbwyntio ar ddefnyddio’r Cyfnodolyn Datblygiadol ar gyfer babanod a phlant â nam ar eu golwg.

    Seren 5I gael gwybodaeth fanylach am ddau o’r cyrsiau, gallwch lawrlwytho’r darllen cyn y cwrs/y deunyddiau ychwanegol sy’n cyd-fynd â nhw drwy glicio ar y dolenni perthnasol isod. Mae’r rhain yn ffeiliau mawr, felly mae’n bosibl y bydd angen tipyn o amser lawrlwytho arnynt. Mae’r deunyddiau ychwanegol yn cynnwys disgrifiad o’r cwrs ond mae ganddyn nhw hefyd wybodaeth am Cefnogi Cynnar yn gyffredinol, yn ogystal â chrynodebau byr o ddogfennau allweddol Llywodraeth Cynulliad Cymru sy’n berthnasol i Cefnogi Cynnar.